Instalacioni “Reflektimi” eksploron mënyrën se si drita ngjyra dhe perceptimi ndërthuren për të krijuar realitetin që ne shohim. Elementet e varura brenda strukturës krijojnë një lojë dinamike pasqyrimesh ku çdo lëvizje e shikuesit ndryshon pamjen dhe e shndërron veprën në një përvojë të gjallë.
Nëpërmjet kombinimit të transparenteve blu dhe të kuqe, instalacioni nxit kontrastin mes emocioneve të ftohta dhe të ngrohta, duke krijuar një hapësirë ku mendimi dhe ndjesia takohen. “Reflektimi” nuk është vetëm një objekt vizual; është një dialog i hapur mes shikuesit dhe vetvetes një ftesë për të parë përtej sipërfaqes dhe për të vëzhguar mënyrën se si perceptimet tona formohen, shtrembërohen dhe transformohen.